Peudahai rimueng, diyueb bak seuntang.
Kupike musang, oh ku eu jeu-oh.
Peudahai laneun, hate geuh sugang.
Meukurek leukang, oh geumeu ratoh.
Kupike ranub, teulhat bak karang.
Rupajih mambang, teungoh ji piyoh.
Kupike get that, wase lam badan.
Rupa meuligan, leubeung ie reu-oh.
Alah ku do di, nyak puteh seudang.
Beurayeok rijang, wahe aneuk beh.
Oh rayeok gata, tapeukong iman.
Meubek gob takrang, ngon haba bee khoh.
Meungka na salah, kadang pih kadang.
Tilek beureumbang, seugoh lom putoh.
Ta eu beuleupeung, takaleon beutrang.
Bek meuka tacang, mariet teuh tadroh.
Meuhan ka tilek, paloe akhe nyan.
Meusalah faham, malee that tuboh.
Abeh gob caci, luwa ngon dalam.
Beurangho taplang, hanle saho roh.
Lumoe reot naleung, itek keu mubang.
Kameng meukawan, jeh dalam lampoh.
Meunan cit e neuk, bak ta meurakan.
Ujoe fikiran, jile beu sunggoh.
Meubek ban teuka, saboh tualang.
Taniet manikam, seleuweung tuboh.
Meunyan e aneuk, lheuh keumudian.
Gata ci kuran, ka deungon ji shoh.
Meunghan tapateh, e aneuk badan.
Lagee lon peusan, tapreh oh katroh.
Takaleon nyang teoh, nyang butoi kawan.
Cit meuri lawan, dalam geureupoh.
Oleh : Khairul Muna
0 comments:
Post a Comment
Note: only a member of this blog may post a comment.