"Kheun Ureung Inong"
Bungong ie mawoeng tangke meuduroe
Dilop lam asoe keubit that saket
Hate keucewa lon rasa keudroe
Kanda tan geuwoe le u peunilet
Lon sangka pakon pageu meutaloe
Bak binteung panjoe sinan meupalet
Lon sangka pakon abang tan woe woe
Rupajih putroe laen ka neulet
Laen neugandeng yang puteh tuloe
Yang meupreuk asoe keuieng meuangget
Lon ka neukeubah hinoe di nanggroe
Tanle neupakoe meuchen ngon meugret
Kanda ka kaya sinan di rantoe
Ka ek bloe motoe ka leo peng ringget
Pane na tingat keu sinong buchoe
Sinoe di nanggroe kerja bak sawet
Ayah lon gasien han ek bloe motoe
Rumoh yup panjoe di gampong pungget 
:)
:)
Binteh meuriya bubong ka buchoe
Aleu meupasoe tanoh di buket
Jinoe lon pasrah lon maklum keudroe
Karna ngon adoe sit han sicubet
Ulon meudoa keudeh nibak Poe
Moga kanda droe bek trep le hudep 
;)
;)
Ranub silaseh tacok sicupoe
Tathok ju keudroe keu ubat ciret
Kasep keuh oh noe curhat lam rampoe
Keu ubat asoe peupuleh saket
Oleh : Khairul Muna
Oleh : Khairul Muna
0 comments:
Post a Comment
Note: only a member of this blog may post a comment.