SEUNIBOE QALBAN

Siseuk bak pante, keu umpeun udeung.

Kadang jitaluem, uleh geumuloh.

Naksu lam hate, jaga beulupeung.

Meubek meubudeung, meusagob jibloh.

Umpama hate, ban boh meurangkeum.

Utom bak cabeung, hanpre gob piyoh.

Kadang meutingkat, seuneuboe uteun.

Macam peukateun, bandum keunan troh.

Kadang meusile, haba tarangkum.

Tatilek ureung, meuri meubee khoh.

Antara laen, hanget ta peunyuem.

Laju roh takheun, haba beulucoh.

Hate ji insan, meuwoe ban peudeung.

Lidah peu ampeung, tiep tiep seuneulhoh.

Meuget ta gaseh, ngon ta peureumeun.

Hanpeu tahireun, cit get dudoe troh.

Hate nyang suci, tareumpok jareung.

Illa bak ureung, nyang ka meujuloh.

Nyang ka Allah bri, saboh nyang ranum.

Nyan hanle kureung, sibarang gob coh.

Hanle teugoda, bak buet ka useung.

Hanle roh takheun, keu gob peunyang roh.

Hanle teubawa, droe teuh nyang agung.

Hanle meutuleung, duroe bak iboh.

Sirang bak manggeh, meupalet cabeung.

Jeut rata ruweung, boh jih han luroh.

Sirang lam hate, meuget oh tatueng.

Beuta peureumeun, jaga beusunggoh.

Sunggoh ta bina, dalam jeut jeut seun.

Han pre tiep tiep jeum, meunyan ta uroh.

Zikir keu Allah, beusabe takheun.

Tanda peuampeung, nyang brok hanle troh.

Jimeudu ulat, bak pucok kuyuen.

Ie lam seurayueng, bek beoh dalam coh.

Rika lon pada, seupantah jangeun.

Meupat nyang kureung, sipat beusunggoh.

"Khairul Muna"